ខាងក្រោមនេះជាទស្សនៈនយោបាយ និងជីវិត ដែល​ដកស្រង់សម្រាំងចេញ​ពីសារសំលេង...

៣៤ មនុស្ស​ល្ងង់​មើលបញ្ហានឹងភ្នែក មនុស្ស​ឆ្លាតមើលបញ្ហានឹងគំនិត​ និងការវិភាគ។ ​

៣៣ បាបមួយនៃបាបទាំង៧ របស់មាហាត្មៈគន្ធី ដែលនាំឱ្យ​ប្រទេស​អន្តរាយ គឺ​អ្នក​ដឹកនាំ​មិន​ដឹងថា​ ខ្លួន​ដឹកនាំ​ ប្រទេស​ទៅណា។​ គ្មាន​ទស្សនៈវិស័យ ។ ​

៣២ បាបមួយនៃបាបទាំង៧ របស់មាហាត្មៈគន្ធី ដែលនាំឱ្យ​ប្រទេស​អន្តរាយ គឺ​មាន​ចំណោះ​ដឹងក្រៅ​ខ្លួន ដូចជា​មានសញ្ញាបត្រ​ តែ​គ្មាន​ចំណោះដឹង ។ ​

៣១ បាបមួយនៃបាបទាំង៧ របស់មាហាត្មៈគន្ធី ដែលនាំឱ្យ​ប្រទេស​អន្តរាយ គឺ​មានទ្រព្យ​ដោយ​គ្មាន​ ប្រភពច្បាស់លាស់ ។ ​

៣០ ប្រភពនៃទុក្ខ គឺប្រជាជន​គ្មានអំណាច។ ​

២៩ គ្រាន់តែចេះ​ជេរ​ ឬចេះនិយាយពីបញ្ហា ពុំមែន​ជាលំនាំលទ្ធិ​ប្រជាធិបតេយ្យ​ឡើយ។ ​

២៨ នៅ​ក្នុងសង្គមប្រជាធិបតេយ្យ​ ការដឹកនាំប្រៀបបានទៅនឹងការបររទេះសេះ។ រដ្ឋាភិបាលជារទេះ ហើយប្រជាជន​ជាអ្នកបររទេះសេះ។ ​

២៧ នៅ​ក្នុងសង្គមប្រជាធិបតេយ្យ​ គ្មាននរណាធ្វើការ​សម្រាប់នរណាម្នាក់​ទៀត​ឡើយ។ មនុស្ស​ទាំងអស់ គ្នា​ធ្វើការ​ដើម្បី ប្រយោជន៍ទាំងអស់គ្នា។ ​

២៦ នៅ​ក្នុងសង្គមប្រជាធិបតេយ្យ​ គ្មាននរណាធ្វើការ​សម្រាប់នរណាម្នាក់​ទៀត​ឡើយ។ មនុស្ស​ទាំងអស់ គ្នា​ធ្វើការ​ដើម្បី ប្រយោជន៍ទាំងអស់គ្នា។ ​

២៥ ទង្វើរត្រូវ លុះត្រាទង្វើរនោះត្រូវនឹងលក្ខខណ្ឌចាំបាច់បី គឺពិត ត្រូវកាល និង​មានប្រយោជន៍។ ​

២៤ នៅក្នុងសង្គមប្រជាធិបតេយ្យ គ្មានវណ្ណៈដឹកនាំគេ ឬវណ្ណៈត្រូវបានគេដឹកនាំឡើយ។ ​

២៣ មនុស្សអាចជួយ​អ្នក​ដទៃ​បាន​ លុះណាតែមនុស្ស​នោះ​ឈ្នះលោកធម៏ទាំងបួន គឺលាភ យស សសើរ សុខ។ ​

២២ ព្រះពុទ្ធនាំមនុស្សឱ្យ​ស្គាល់ពីប្រយោជន៍។ ​

២១ ព្រះពុទ្ធបង្ហាញមនុស្សពីការគិត ពុំមែនការស្រមើស្រមៃឡើយ។ ​

២០ មនុស្សម្នាក់ពូកែជាងមនុស្ស​ម្នាក់ទៀត ដោយសារការគិត។ ​

១៩ កុំធ្វើជាអ្នក​ផ្គាប់ចិត្តដល់មនុស្ស​ខូច។ ​

១៨ ទាន គឺចិត្តហុច មិនមែនកាយហុចទេ។ ​

១៧ ការនិយាយ គួចេះរធ្វើសំដីរបស់ខ្លួនឱ្យមានតម្លៃសកល។ ​

១៦ ការយល់ខុស នាំដល់សកម្មភាពខុស។ ​

១៥ ​​យល់ត្រូវ ទើបគិតត្រូវ។ ​

១៤ ព្រះពុទ្ធនៃយើង​ មិនមែននាំ​មនុស្ស​លោក​ឱ្យ​ជឿទេ ប៉ុន្តែ​នាំ​ឱ្យ​មនុស្ស​គិត​ ឬ​នាំ​ឱ្យ​មនុស្ស​មាន​សទ្ធា។ ​

១៣ មនុស្ស​ពូកែ គឺពូកែដោះស្រាយបញ្ហា មិនមែនយំសែ្រកជាមួយបញ្ហាឡើយ។ ​

១២ មនុស្ស​ល្ងង់ និងមនុស្ស​អាក្រក់ តែងយកខ្លួនឯងជាសត្រូវ។ ​

១១ នយោបាយ គឺជាសិល្បៈធ្វើឱ្យ​សម្រេចទិសដៅ។ ​

១០ តើលទ្ធិ​ប្រ​ជាធិបតេយ្យ​ជាអ្វី? តុល្យ​ភាពអំណាចរវាងអ្នក​ដឹកនាំ និងប្រជាពលរដ្ឋ​
រួមគិត រួមសម្រេច និងរួមធ្វើ​ ។ ​

៩ គិតត្រូវ និយាយត្រូវ​ និងធ្វើត្រូវ។ ត្រូវពេលនេះ ត្រូវនៅពេល​អនាគត។ ​

៨ កើតពីរាស្រ្ត ដើម្បីរាស្រ្ត របស់រាស្រ្ត ​

៧ មនុស្ស​ឆ្លាត​ រៀនពីកំហុស​អ្នក​ដទៃ មនុស្ស​ល្ងង់​រៀនពីកំហុស​ខ្លួនឯង រីឯមនុស្ស​មហាល្ងង់ សូម្បី​
កំហុស​ខ្លួនឯង​ក៏រៀនមិនចេះផង។ តើ​អ្នក​ជាមនុស្ស​ប្រភេទណា ? ​

៦ អ្នក​ដឹកនាំល្អ គឺអ្នកដឹកនាំខិត​ខំបង្កើត​អ្នកដឹកនាំឱ្យ​បាន​ច្រើន មិនមែន​អ្នក​ដើរតាមឱ្យ​បានច្រើន ឡើយ។​

៤ ប្រព័ន្ធ​ប្រជាធិបតេយ្យ​អាច​ដំណើរការបាន​ លុះ​ត្រា​តែ​មាន​តុល្យភាព​អំណាចរវាង​អ្នក​ដឹកនាំ និង​ ប្រជាលរដ្ឋ។ ​

៤ គ្រាន់តែ​ចេះ​និយាយ​ពីបញ្ហា គ្មាន​អ្វី​អស្ចារ្យ​ឡើយ។ ​

៣ អ្នក​ដឹកនាំ​ភាគច្រើន​ក្នុង​សង្គម​កម្ពុជា ច្រើនប្រៀបធៀបរបស់ ឬ​សកម្មភាពមិនល្អ ដែលពេល​ខ្លះ​គ្មាន​ ប្រយោជន៍​អ្វី​ទាល់តែ​សោះ។ ​

២ សំលេងជួង (ចម្រៀង)​
​
១ ជាតិត្រូវការយើង (ចម្រៀង)
Please Read more in Detail!

សេចក្តីអំពាវនាវ

ដោយបានរងទុក្ខវេទនាសព្វបែបយ៉ាងក្នុងជីវិតរស់នៅក្រោមរបបនយោបាយផ្ដាច់ការ ជាពិសេសក្នុងរបបប្រល័យ ពូជសាសន៍ពីឆ្នាំ ១៩៧៥-១៩៧៩។
ដោយធ្លាប់ទទួលការឈឺចាប់ពីការឈ្លានពានត្រួតត្រា បំផ្លិចបំផ្លាញពីសំណាក់បរទេស។
ដោយមានបំណងឱ្យការផ្ទេរអំណាចដឹកនាំប្រទេសប្រព្រឹត្ដទៅដោយសន្ដិវិធី និងរលូន តាមគន្លងប្រជាធិបតេយ្យ។
ដោយយល់ច្បាស់ថា ប្រទេសកម្ពុជាកំពុងបោះជំហានដល់របត់កែប្រែមួយសំខាន់បំផុត ក្នុងប្រវត្ដិសាស្ដ្រ។

ប្រជាពលរដ្ឋខ្មែរ ដែលមានជំនឿទៅលើកម្លាំងយុត្ដិធម៌ សច្ចៈភាព និងប្រកាន់ខ្ជាប់នូវភាព សុចរិតទៀងត្រង់ បានប្ដេជ្ញាចិត្ដយ៉ាងមុះមុតរួបរួមគ្នារកវិធីកែប្រែផ្នត់គំនិតអសកម្មនានា ក្នុង សង្គម ហើយបានឈានដល់ការព្រមព្រៀង សំរេចបង្កើតគណបក្ស សម្ព័ន្ធដើម្បីប្រជា ធិបតេយ្យ នេះឡើង ក្នុងគោលដៅចូលរួមដឹកនាំ កសាងប្រទេស ដោយគោរពគោលការណ៍ ប្រជាពលរដ្ឋជាម្ចាស់អំណាច និងមិនយល់ស្របឱ្យមនុស្សម្នាក់ ឬជនមួយក្រុមតូច ក្ដោបក្ដាប់ អំណាចសំរេចវាសនាប្រទេស ជំនួសប្រជាពលរដ្ឋដែលជាម្ចាស់អំណាចស្របច្បាប់។ គណបក្ស សម្ព័ន្ធដើម្បីប្រជាធិបតេយ្យ មានគោលដៅនាំប្រជាពលរដ្ឋ ទៅយកអំណាច ដែលបានបាត់បង់ជាយូរមកហើយ គឺ អំណាចជ្រើសរើស និងទំលាក់ដោយផ្ទាល់ នូវអ្នក តំណាងរបស់ខ្លួនគ្រប់ជាន់ថ្នាក់ដូចជាថ្នាក់ភូមិ ឃុំ/សង្កាត់ ស្រុក/ខណ្ឌ ខេត្ដ/ក្រុង និងតំណាង រាស្ដ្រ ដោយមិនទុកឱ្យអ្នកតំណាងរបស់ខ្លួន ទាំងនោះគោរព និងបម្រើតែផលប្រយោជន៍ គណបក្សនីមួយៗរបស់ខ្លួន ភ្លេចគិតគូរដល់ផលប្រយោជន៍របស់ប្រជាពលរដ្ឋ។

គណបក្ស សម្ព័ន្ធដើម្បីប្រជាធិបតេយ្យ សូមអំពាវនាដល់ជនរួមជាតិ និងមិត្ដភ័ក្ដ្រជិតឆ្ងាយ ទាំងអស់ ដែលស្រលាញ់នូវភាព សុចរិតទៀងត្រង់ និងមានឧត្ដមគតិ ដូចបានរៀបរាប់ជូន ខាងលើ ចូលរួមផ្ដល់វិភាគទានជាថវិកា ទោះតិចក្ដី ច្រើនក្ដី ឬជាគំនិតកែលំអផ្សេងៗ ដើម្បី កសាងជាតិយើង។

គណបក្ស សម្ព័ន្ធដើម្បីប្រជាធិបតេយ្យ សូមស្វាគមន៍ជានិច្ចចំពោះបងប្អូនរួមជាតិ ដែល មានបំណងចង់ចូលរួមក្នុងចលនារបស់យើងស្របតាមបាវចនា“រួមគិត រួមសម្រេច រួមធ្វើ”។
Please Read more in Detail!

Contacts

ទំនាក់ទំនង​គណបក្ស

អាសយដ្ឋាន ៖ ផ្ទះលេខ ៦១ អា ផ្លូវ ៦០៨ សង្កាត់បឹងកក់២ ខណ្ឌទួលគោក រាជធានីភ្នំពេញ

ទូរស័ព្ទ ៖ (៨៥៥) ១២ ៨៩៧ ៦០០ / (៨៥៥) ១១ ៩៤២ ៥២៥ / (៨៥៥) ១២ ៩០៦ ៥៦៥
Please Read more in Detail!

Organizational Vision

បន្ថយអំណាយរដ្ឋ = រាស្រ្ត​មានអំណាច។

រួមគិត រួម​សម្រេច រួមធ្វើ​

Please Read more in Detail!

Missions

បេសកកម្ម​ ដើម្បី​ឈាន​ទៅ​សម្រេច​គោលដៅរបស់គណបក្សមានបីសំខាន់ គឺ៖

១. ការបណ្តុះបណ្តាលលទ្ធិប្រជាធិបតេយ្យ

២. ការទាញយកប្រយោជន៍ពីកិច្ចប្រតិបត្តិព្រះពុទ្ធសាសនា

៣. ការអប់រំសីលធម៌សង្គម
Please Read more in Detail!

កម្មវិធីនយោបាយ

១. រៀបចំច្បាប់ ដើម្បីអនុវត្ដយន្ដការ ៨ ចំណុច ដើម្បីឱ្យប្រជាពលរដ្ឋមានអំណាយពិតប្រាកដ។

២. ការពារប្ដូរប្ដេចនូវឯកភាពរាជ្យ អធិបតេយ្យភាព និងបូរណភាពទឹកដី។ ពង្រឹង និងពង្រីកទំនាក់ ទំនងមិត្ដភាព
និងសហប្រតិបត្ដិការ ប្រកបដោយភាពស្មោះត្រង់ ជាមួយប្រទេសជិតខាង ប្រទេស ក្នុងតំបន់ និងប្រទេសក្នុងពិភពលោក។

៣. បង្កើតច្បាប់ និងយន្ដការប្រឆាំងនឹងអំពើពុករលួយ។

៤. ដោះស្រាយបញ្ហាជនអន្ដោប្រទេសន៍ យ៉ាងម៉ឹងម៉ាត់ អនុលោមតាមច្បាប់ជាតិ និងអន្ដរជាតិ។

៥. ចាត់វិធានការលុបបំបាត់ការរំលោភយកដីធ្លីរបស់ប្រជាពលរដ្ឋ ពីអ្នកមានអំណាច និងបង្កើតដី សម្បទាន សង្គមកិច្ច សម្រាប់ផ្ដល់ជូនប្រជាពលរដ្ឋក្រីក្រ គ្មានដីធ្លី។

៦. ដំឡើងប្រាក់បៀវត្សរ៍មន្ដ្រីរាជការ និងកងកំលាំងប្រដាប់អាវុធឱ្យមានជីវភាពរស់នៅសមរម្យ ស្រប​​តាមតម្លៃទំនិញទីផ្សារ ដើម្បីបំរើការងារក្នុងភាពថ្លៃថ្នូរ។

៧. ជំរុញកំណែទម្រង់កម្មវិធីសិក្សានៅគ្រប់ភូមិសិក្សា និងជាពិសេស បញ្ចូលកម្មវិធីអប់រំសីលធម៌ វិជ្ជាពលរដ្ឋ និងមនសិការ ទៅក្នុងកម្មវិធីសិក្សានៅគ្រប់លំដាប់ថ្នាក់។

៨. ដាក់ជាអាទិភាពនូវការងារអភិវឌ្ឍន៍តំបន់ព្រំដែន និងអភិវឌ្ឍន៍ជនបទ ក្នុងនោះមានការកសាង និងស្ដារ ហេដ្ឋារចនាសម្ព័ន្ធ ធ្វើប្រព័ន្ធធារាសាស្ដ្រ ធ្វើអាងស្ដុកទឹក ផ្សព្វផ្សាយបច្ចេកទេសកសិកម្ម ទំនើប បង្កើនវិនិយោគសាធារណៈ កសាងសាលារៀន មន្ទីរពេទ្យ និងលើកស្ទួយសុខុមាលភាព ប្រជាពលរដ្ឋជនបទ។

៩. បង្កើតការងារសម្រាប់ប្រជាពលរដ្ឋ ជាពិសេសយុវជន និងយុវតី តាមរយៈការទាក់ទាញអ្នក វិនិយោគក្នុងស្រុក និងបរទេស ក្នុងគ្រប់វិស័យ ដោយឈរលើមូលដ្ឋាននៃភាពស្អាតស្អំរបស់មន្ដ្រី សន្ដិសុខសង្គម និងស្ថេរភាពសង្គម។

១០. ប្រើប្រាស់គ្រប់មធ្យោបាយដើម្បីទប់ស្គាត់ និងបង្ក្រាបបទល្មើសនានា ជាពិសេស ការផលិត និង ជូញដូរគ្រឿងញៀន ការជួញដូរស្ដ្រី និងកុមារ អំពើប្លន់ អំពើចាប់ពង្រត់ និងសកម្មភាពក្មេងពាល ជាដើម។

១១. ធ្វើកំណែទម្រង់ប្រព័ន្ធតុលាការគ្រប់លំដាប់ថ្នាក់ឱ្យទៅជាតុលាការឯករាជ្យ និងការពារយុត្ដិធម៌ ជូនប្រជាពលរដ្ឋទូទៅ។
Please Read more in Detail!

Radio Programs

រាល់ការអធិប្បាយលំអិតមានផ្សាយតាមកម្មវិធីវិទ្យុដូចខាងក្រោម ៖
១- FM ៩០ MHz ភ្នំពេញ ពីម៉ោង ៧-៨ យប់
២- FM ៩០.២៥ MHz ខេត្ដបាត់ដំបង ពីម៉ោង ៣-៤ រសៀល
៣- FM ៩៥.៥ MHz វិទ្យុអង្គរ​រដ្ឋា ខេត្ដសៀមរាប ពីម៉ោង ៧-៨ យប់
​- FM ៩៥.៥ MHz វិទ្យុ​អង្គររដ្ឋា ខេត្ដសៀមរាប ពីម៉ោង ៥.៣០-៦.៣០​ ព្រឹក​
៤- FM ៩០.២៥ MHz ខេត្ដឧត្ដរមានជ័យ ពីម៉ោង ៦-៧ ព្រឹក
៥- FM ៩៣.៥ MHz វិទ្យុ​ស្វីត ខេត្ដកំពត ពីម៉ោង ៥-៦ រសៀល
កម្ម​វិធីពិសេស!
១. ផ្សាយបន្តផ្ទាល់រៀងរាល់ថ្ងៃ​អាទិត្យ​ពីម៉ោង ៦.០០ ដល់ម៉ោង ៨ យប់ ពីវិទ្យុ​ FM ៩០
ពីទីក្រុងភ្នំពេញ
២.​ ផ្សាយបន្តផ្ទាល់ពី​វិទ្យុអង្គររដ្ឋាខត្តសៀមរាប ពី​ម៉ោង ៧.០០ ដល់ម៉ោង ៨.០០​ យប់
3. ផ្សាយបន្តផ្ទាល់ពីវិទ្យុ​គីរីដងរ៉ែក ខេត្ត​បាត់ដំបង ពី​ម៉ោង ៧.០០ ដល់​ម៉ោង ៨.០០ យប់
Please Read more in Detail!